بقلمى يوسف ونيس مجلع – ايطاليا بريشيا
أصدقائى ألأحباء اتقدم بالاعتذار لعدم التواصل لظروف يطول شرحها ويعلم الله انى
احبكم جميعا --- اصدقائى الاعزاء من اسمى المشاعر الحب و هو ينقسم الى علاقات
طيبة متنوعة اولها حب الله والوطن والاهل و الحبيب والصديق الخ --- وتكتمل سعادة الانسان
حينما يكون فى انسجام مع كل اقسام الحب واحيانا يتعس باختلال احدها --- موضوعنا اليوم عن
اختلال حب الصداقة --- الصداقة من المشاعر السامية وعدوها اللدود هو العشم الذائد غالبا يتعشم
كل من الطرفين فى اكثر من نصف المسافة و تنهار الصداقة وياتى دور العتاب و مربط الفرس
اذا كان العتاب من اجل التواصل يكون نعمة واذا كان من اجل التنافر يكون نقمة --- ادام الله علينا جميعا نعمة الصداقة --- كلمة بالعامية بعنوان عتاب الصداقة
ياصاحبى ايه العبارة --------------- صحبتنا ليه منهارة
ياصاحبى الدنيا غدارة ------------- والنفس بالسؤ أمارة
وخصامنا مش شطارة ------------- وفراقنا والله خسارة
خلى مودتنا مرارة --------------- وملى مخدتنا حجارة
-----------------------------------------------------------
ايه مات فى صحبتنا ------------ ليه الخلافات صاحبتنا
حبة عوازل غلبتنا -------------- وبقت فى النازل الفتنا
سقونا نميمة خدعتنا -------------- وشربنا وباشت لبتنا
راحت حلاوة دنيتنا ------------ وغابت غلاوة صداقتنا
----------------------------------------------------------
كان يسرى هو يسرك ---------- كان عزرى هو عزرك
ليه هزيمتى تبقي نصرك -------- وفجرى يبقى عصرك
متصارحنى و اصارحك ------- وصرحى يبقي صرحك
والله ياصاحبى عاذرك ---------- لان الزيف محاصرك
----------------------------------------------------------
تجينى غدر فى سواترك ------ ناويلى شر فى خواطرك
وبعينى اراعى خاطرك --------- بيمينى اللقمة اشاطرك
تلاقينى غطاك و سترك --------- و تعرينى وانا ساترك
تسقينى كاسات مرارتك ------- و انا فاكر بودى اسرتك
----------------------------------------------------------
ايه اتغير جوانا -------------------- مرر حلاوة دنيانا
كانت سعادتنا لقانا -------------- وكانت صحبتنا هنانا
النكتة بقافية فى لغانا ------- والضحكة الصافية الرنانة
ومودتنا سهرانة معانا ----------- وحديتنا بكيفنا وهوانا
----------------------------------------------------------
تعالى ننسى اللى فات ----------- قبل ما تقسى الاهات
نفتكر بس الحسنات ------------ ننتصر على الخلافات
نرجع لحسن الصفات ------------ ويقولوا تانى اخوات
خلافنا مايطولش ساعات ------ وخصامنا ماكانش يبات
----------------------------------------------------------
خلينا ياصاحبى فوق ------------- سمانا مسيرها تروق
الغيمة بعديها شروق ------------ وللعيش والملح حقوق
يصعب عليا تزوق ---------------وجع القلب المحروق
لا عتاب ولا مين محقوق ------- السماح اخلاق وزوق
بقلمى يوسف ونيس مجلع --- مصر
