حب الطفولة ...بقلم حسن الشوان...مجلة عيون الياسمين
" حب الطفولة"
من زمان يا صغيرتي
وحب الطفولة فينا
وانتي جوايا حبيبتي
ومشاعر الود تنادينا
لغاية ماكبرت وكبيرتي
وحبك مزروع جوه قلبي
وبقيتي حياتي وأميرتي
سقيته من حناني وحبي
وطبع جوايا صورتك
وأتمناكي دايما جنبي
وعلي بالي سيرتك
وكل وقت أدعوا ربي
ينور بصيرتي وبصيرتك
من زمان دوقت حنانك
وفي أحلامي لقيتك
وكتير سحرني فستانك
وروحت بعيد وناديتك
لغاية ما عرفت عنوانك
وقلبك نداني وجيتك
ملهوف أسمع أغصانك
ومن قلبي بقول حبيتك
والقا أزهاري ف بستانك
وبنبض قلبي حسيتك
انا عايش عمري عشانك
وعمرك ما قسيت عليا
ولا سقتني مره حرمانك
ولا عينيك هجرت عينيا
جوايا عايش بكيانك
وجواك ايامي ولياليا
زماني إتعاهد مع زمانك
انا ليك وانت يا حبيبي ليا
وقلبي نبضه في أركانك
وانت جوايا وعايش فيا
بقلم حسن الشوان
ليست هناك تعليقات:
إرسال تعليق